احتفل الرئيس المصري عبد الفتاح السيسي بعيد العمال، اليوم الثلاثاء، في قصر رأس التين الرئاسي بمحافظة الإسكندرية، في حضور رئيس الوزراء، وأعضاء الحكومة، ورئيس مجلس النواب، ورئيس وأعضاء الاتحاد العام لنقابات عمال مصر.
وألمح السيسي في كلمته إلى استمرار عمليات بيع شركات قطاع الأعمال العام لخسائرها المتراكمة، ومواصلة إجراءات برنامج الإصلاح الاقتصادي، مشيداً بنزول المصريين في الاستفتاء الأخير على التعديلات الدستورية (تهدف إلى استمراره في الحكم حتى عام 2030)، سواء ممن صوتوا بالموافقة على التعديلات أو رفضها، باعتبار أن المشاركة الإيجابية أسكتت أصوات المنتقدين في الخارج.
واستطرد السيسي في محاولة لترسيخ مبدأ العبودية بين العمال: "لما يبقى عندي مصنع، وعنده مشاكل في معدلات الإنتاج أو الأرباح، أوقف الإنتاج أو أضرب عن العمل... ياترى ده هايكون لصالح المصنع أو مصلحة العمال اللي فيه... لا بالعكس، ده كل ما تحس إنك مظلوم، مش تخاصم وتضرب عن العمل، ولكن اشتغل أكتر، وماتخاصمش نفسك!".
وزاد: "اللي قبلنا كانوا يقدروا يعملوا اللي إحنا عملناه، بس هم كانوا خايفين أو متحسبين لردود الفعل في الدول اللي حولنا... نجاح برنامج الإصلاح يرتبط بتحمل المصريين لهذا المسار، والنجاح هو الاستقرار والأمن، لأن مافيش استقرار اقتصادي ممكن يتحقق إلا بالأمن... والقطاعات التابعة للدولة لم تنجح بسببنا جميعاً، كلنا مع بعض سواء في الفشل أو النجاح".
وقال السيسي ساخراً: "بالنسبة لموضوع الصحة، أول ما أبص على شكل الواحد (العامل)، وألاقي عنده وزن زيادة، أقول على طول إنه مابيشتغلش... اللي بيشتغل مافيش مجال يبقى كده، وقمة الصحة إننا نخلي بالنا من نفسنا شوية!".
واستكمل في كلمته: "اللي حصل في السنين اللي فاتت ما اتعملش غير بشعب مصر، لكن عشان تعملوا حضارة وتقدم حقيقي لازم كلنا نعمل بكد وإتقان... بكد بس مش كفاية، وبإتقان بس مش كفاية... وبقولكم لسه بدري على ثمار الإصلاح، إحنا ماعملناش حاجة، ومش عاوز أزايد في الكلام عشان موضوع الأجور أو المعاشات... ولكن لسه بدري أوي على ثمار الإصلاح، واللي هايتعمل أد اللي اتعمل مئات وآلاف المرات".
ووجه السيسي الشكر للمصريين على مشاركتهم في استفتاء تعديل الدستور، قائلاً: "هاقول للمصريين كلمة معبرة، أنتم جبرتم خاطري وخاطر مصر، لما شهدناه من ملحمة مصرية بالأيام الماضية... وكل ما تحقق من نجاح في ظل الإصلاحات الاقتصادية كان بفضل الشعب المصري... وزيادة الأجور للعاملين بالدولة من أهم القرارت التي اتخذت هذا العام، وتؤكد أن مصر مرت بمرحلة عصيبة، وتعكس تقدير الدولة للتضحيات".
